Le traduction in equipa (facite in collaboration) que OmegaT offere es basate sur le functionalitate del 'Controlo de version' (o de revision), largemente utilisate per le communitates de software pro mantener le controlo del cambios al codice de un programma e permitter le collaboration sin impedimentos intra le equipa de disveloppamento. OmegaT supporta duo del popular 'systemas de controlo de version' (Version Control Systems = VCS in breve), "Subversion" ex Apache frequentemente abbreviate in SVN, secundo le nomine del commando svn) e Git. Le avantages de un Systema de VC pro un equipa de traductores in breve es a como seque:
Plure membros del equipa pote operar al projecto de traduction simultaneemente, sin interferentia le un con le altere
Illes pote usar material in commun, como la memorias de traduction del projecto e su glossarios
Tote le tres minutas, per preparation initial, un version renovate del datos in commun es disponibile al resto del equipa
Le systema gere le controlo de version pro le datos in commun
Le conflictos - per exemplo traductiones alternative del mesme segmento o entrata del glossario - pote esser examinate, resolute e mergite
Le terminos sequente, a usar in le texto in basso, merita un breve explication:
Le servitor de VCS - id es le servitor de SVN o de GIT, es le ambiente ubi le material commun es conservate e mantenite sur le rete. Le servitor pote exister in le rete local, ma in le majoritate del casos illo essera disponibile sur Internet, id es via un adresse URL. Un membro del equipa, le administrator del projecto, besonia de cognoscer le tractamento del latere del servitor, id es le labor re le preparation del ambiente, como importar le projecto OmegaT, como assignar le derecto de accesso pro le membros del equipa, como resolver le conflictos et cetera.<t13/>.
Le cliente VCS: Pro tu interfacie con le servitor debe esser installate un cliente de SVN o de Git sur le computatores del "administratores del projecto" implicate in le projecto OmegaT. Clientes multo popular pro le ambiente Windows es TortoiseSVN e TortoiseGit. Altere systemas operative (Linux, OS X) offere pacchettos simile.
repositorio: le loco ubi le material in commun es salvate e mantenite, sia sur un rete a accesso local sia in Internet. Le membros del projecto se connecte con illo via lor cliente VCS.
checkout: le operation que crea un copia functionante ex le repositorio, in tu computator local. Le servitor retene le informationes discargate durante le discarga, de maniera que plus tarde le consignas (vide in infra) pote esser exequite in un maniera ordinate.
commit: un vice que un nove version local del material discargate es preste, on pote lo consignar al repositorio e assi lo render disponibile al resto del equipa Le servitor se assecura que tote le cambios que conflige, per duo membros que opera sur le mesme contentos discargate, essera resolute.
administrator: le persona responsabile del creation e del mantenimento del repositorio, id es le cura del labor del latere del servitor. Pro evitar omne problemas, sol un persona deberea haber iste privilegios, al minus initialmente.
usator : un membro del equipa, que collabora sur le projecto commun.
Il ha duo possibilitates pro facer fluer un servitor de SVN: tu pote installar SVN sur tu proprie servitor o tu pote usar un servicio sur un hospite. Quando tu usa un servicio externe tu debe esser al currente del implicationes possibile in terminos de confidentialitate, pois que tu es cargante le documento original sur un servitor for de tu controlo directe. Alias, pro evitar iste question tu pote preparar un servitor de SVN private, per exemplo si tu ja ha un servitor Apache que include le software in question (per exemplo VisualSVN).
Un vice que le servitor SVN es disponibile, le administratores del projecto debe installar localmente un client SVN, pro gerer le contentos del projecto sur lor computatores. Pro Windows nos recommenda TortoiseSVN. Pro Mac tu pote discargar le cliente per exemplo ex SourceForge, Pro Linux vide Subversion Commands and Scripts.
Le procedura ci presentate fide sur le servitor SVN gratuite (limitate a 2 usatores) offerite per ProjectLocker. Nota: le creator del repositorio ha implicitemente le privilegios de administrator pro le repositorio create. In prime loco signa te in le sito o - si il es tu prime vice sur le sito, registra te pro illo e prende nota de tu nomine de usator e contrasigno pro le futur projectos.
Crear un nove projecto sur ProjectLocker
Insere le nomine e le description del repositorio. ( OmegaT e Localisation OmegaT SLin le exemplo utilisate ci)
Elige
Clicca
Aperi le vista Projects pro tu conto. Le URL monstrate sub Servicios de Projecto essera usate per SVN pro connecter le clientes al servitor SVN que tu ha justo establite. Isto es alsi le loco pro adder membros del equipa al projecto e assignar a illes lor privilegios. Nota que le membros del equipa debe esser registrate antea, ante que tu pote adder illes al projecto (Nota: in le version gratuite de ProjectLocker on es permittite sol duo usatores per projecto).
Le projectos pote esser tractate secundo tu stilo de disveloppamento e tu necessitates. Como in le caso del projectos de OmegaT, tu besoniara de repositorios separate pro pares de linguas differente. Intra un par de lingua date il es optime servar subjectos vel clientes differente como repositorios separate. Le alternativa es haber un singule repositorio con sub plicasProject1, Project2, etc., e le material commun via plicas tm, glossary e dictionary commun.
Pro le exemplo monstrate ci nos decideva pro le projecto OmegaT - un sol repositorio pro rationes de simplicitate.
Le repositorio es vacue in iste momento. Crea in prime loco un plica cliente sur tu disco dur. Crea un plica vacue, ubi tu retenera tu projecto e clicca con le dextero sur illo. Selige TortoiseSVN > Checkout. Appare le fenestra de dialogo sequente:
Insere le URL, supplite per ProjectLocker, in le campo URL of repository . Assecura te que le campo Checkout directory es correcte, id es illo specifica le plica vacue que tu ha create, e pulsa OK . Un vice que le operation ha finite, tu pote controlar le plica mentionate: illo deberea ora continer un sub plica .svn e un placa OK verde sur su icone monstrara que le contentos del plica son renovate:
In le grado successive, nos addera le files OmegaT al plica local. Le files sequente debe esser in commun inter le membros del equipa e assi debe ser includite in omne caso:
le file del projecto omegat - omegat.project
le memoria de traduction - omegat\project_save.tmx
le contentos del plica fonte
le definition del filtros projecto-specific - omegat\filters.xml
Le administrator pote decider pro comprender le plicas sequente e lor contentos assi como: tm, glossary e dictionary. Etiam ignored_words.txt e learned_words.txt in le plica omegat poter esser conveniente compartir e mantener a nivello de equipa. Evitar in omne caso de adder files bak, project_stats.txt e project_stats_match.txt, in le sub plica omegat, pois que facerea los, sin alicun necessitate ni profito, justo inflar le repositorio. Tu pote desirar lo applicar identic al plica target e su contentos.
Post copiate le files necessari in le plica checkout, tu remarcara que su icone cambiava: le placa OK verde cambiava a un signo de exclamation rubre, signo del cambiamento in le copia local del repositorio. Le duo grados sequente actualisara le version del servitor:
adde le files copiate al version local del repositorio: clicca con le dextero sur le plica checkout local e selige TortoiseSVN > Add. In le fenestra de dialogo que se displica, lassa omne optiones como jam predisponite e clicca OK. Le Adde es finite! un fenestra, simile a illo sequente apparera:
Le contentos del plica checkout essera marcate in consequentia:
committer le cambios local al server: clicca con le dextero sur le plica del checkout local e selige SVN Commit.... Le fenestra de Commit - se displica, vide in sequito. Controla le cambios a facer - id es le plicas e le files addite in iste caso.
Inscribe un message appropriate in le fenestra message e pulsa OK. Se aperira le fenestra Commit e monstrara le progresso del commando commit. Illo committera in prime loco le contentos currente al repositorio del servitor e pois actualisara le copia local del repositorio - id es le contentos del sub plica .svn - de maniera que illo es actualisate con le ultime version del repositorio.
actualisa le files local ex le copia local del repositorio - le cambios recipite del repositorio del servitor resta intra le sub plica .svn ma non ancora in le files e plicas ipse. Pro renovar le files local , clicca con le dextero sur le plica del checkout e selige SVN Update. Controla le contentos del plica pro confirmar que le copia local del repositorio e le files e plicas correspondente corresponde al ultime version del servitor:
Un vice que le projecto in equipa es preparate, le membros del equipa debe solo acceder al projecto in equipa con OmegaT. In prime loco, illes debe usar Projecto > Discarga le Projecto in Equipa . Isto in realitate face un checkout del projecto in un plica local. Le credentiales son registrate, assi non necessita inscriber los cata vice. Sub Linux, si OmegaT demanda ancora pro tu credentiales, tu pote marcar le cassa de marca Fortia le salvamento del contrasigno como texto simple.
Pro le uso ulterior, toto lo que necessita es aperir le projecto como qualcunque altere projecto OmegaT. OmegaT recognoscera que illo es un projecto in equipa, e synchronisara omne cosa automaticamente, tote le tres minutas, per arrangiamento base.