OmegaT permitte le execution del scripts in plure linguages de script.
Cliccar sur pro displicar the fenestra de dialogo de Scripting:
Le Fenestra de Scripting te permitte de cargar un script existente in le area texto e exequer lo verso le projecto aperte currente. Pro personalisar le characteristica del script, face le sequente:
Carga un script in le editor cliccante sur su nomine in le lista sur le quadro sinistre.
Clicca con le dextre sur un button de "<1>" a "<12>" in le quadro basse e selige "Adde". In le exemplo super, duo scripts (position 1 e 2) esseva jam addite.
Quando tu clicca sur le numero, le script seligite essera exequite. Tu pote lancear le macros seligite ab le menu principal o con lor entratas in le menu o pulsante Ctrl+Alt+F# (con # de 1 a 12).
Normalmente, le scripts es continite in le plica "scripts" locate in le plica de installation de OmegaT (le plica que contine OmegaT.jar).
Tu pote adder nove scripts ibi, si que illos apparera in le lista del scripts disponibile in le fenestra de Scripting.
On pote trovar additional scriptes ci: OmegaT Scripts
Le sequente linguas de script esseva implementate:
Groovy (http://groovy.codehaus.org): es un lingua dynamic pro le machina virtual Java. Illo es basate sur le punctos forte de Java ma ha additional characteristicas potente inspirate de linguas como Python, Ruby e Smalltalk.
JavaScript (alicun vices abbreviate JS, non confunder con Java): es un lingua de scripting, basate sur prototypo, que es dynamic, debilemente typate, e ha le functiones de prima classe. Illo es un lingua de programmation multo-paradigma, que supporta stilos de programmation orientate al objecto, imperative, e functional. Pois que illo es le lingua de un software ultra popular como Firefox, illo es un instrumento de programmation familiar e ideal in le dominio del open-source.
Omne le linguas ha accesso al modello a objectos OmegaT, con le projecto como objecto culmine. Le sequente retalio de codice in groovy per exemplo, scande a transverso de tote le segmentos in tote le files in le projecto currente e, si le traduction existe, stampa le segmento fonte e le traduction del segmento:
files = project.projectFiles;
for (i in 0 ..< files.size())
{
for (j in 0 ..< files[i].entries.size())
{
currSegment = files[i].entries[j];
if (project.getTranslationInfo(currSegment))
{
source = currSegment.getSrcText();
target = project.getTranslationInfo(currSegment).translation;
console.println(source + " >>>> " + target);
}
}
}